SSR sine miljøstasjonar

Det avfallet du ikkje får henta, kan du levere på ein av våre miljøstasjonar. Sjå oversikt nederst på sida for kva du kan levere gratis og kva du må betale for. Du kan betale med bankkort på alle SSR sin betjente miljøstasjonar. På lokalmottaka i Herøy og Sande har vi ikkje vekslepengar, men du kan betale med akkurat beløp eller kort.

Næringskundar må ha fullmakt for levering av avfall mot ettersending av faktura; dette må ordnast på førehand før ein skal levere avfall. Næring kan også betale med kort på staden dersom dette er ynskjeleg (om ei bedrift berre ynskjer å betale med kort på staden, treng ein ikkje fullmakt).

NB: På Mjølstadneset tek vi berre imot asbest/eternitt pakka i big bag-sekkar. Desse kan ein kjøpe på Mjølstadneset. I Myklebustmyrane kan du ikkje levere asbest/eternitt eller landbruksplast.

Vi oppmodar alle om å levere brukbare gjenstandar som møblar, lampar, bøker og liknande til bruktbutikkar, loppemarknadar, eller annonserast på bytte-kjøp-salg sider på internett.